Sonte u përmbyll edhe një aktivitet spektakular, i cili Bujanocin e vendosi në hartën e ngjarjeve sportive më me renome në rajon.
Turneu „BU CUP 2024“ përmbushi pritshmëritë tona, duke qenë shembull për nga organizimi, mëse cilësor për nga kualiteti dhe megaloman për nga pjesëmarrja e publikut. Falenderojmë secilin futbollist për djersën e derdhur në këtë turne, arbitrat për ndarjen e drejtësisë, kurse publikun për anim fer dhe korrekt. Finalja e sontme ishte më tepër se një garë futbolli.
Ishte luftë gladiatorësh në parket. FC Besa Futsall i shprehim përgëzime si fituese e turneut ndërsa Blue Point-DM si finalist i shkëqyer. Me medalje dhe kupa nderuam edhe futbollistin dhe portierin më të mirë.
Një mirënjohje shkon për organizatorët, Zyren për të Rinj dhe Q.S. „Rinia“. Tejet i lumtur që një pjesë nga shitja e biletave dedikohet për Organizatën „Era“ e cila merret me fëmijët me nevoja të veçanta. Në përgjithësi, besoj se jemi treguar nikoqirë të mirë, ndërsa vitin tjetër organizimi do të ngritet në nivel edhe më të lartë. Për Bujanocin, qytet të sportit!
