Klubi i karatesë “Besa” nga Bujanoci po vazhdon të dëshmojë punën, disiplinën dhe përkushtimin e sportistëve të saj në arenën sportive lokale dhe rajonale.
Me një traditë të gjatë dhe me trajnerë profesionistë, “Besa” ka arritur të formojë dhjetëra karateistë të rinj që sot përfaqësojnë me krenari komunën e Bujanocit në gara të ndryshme.
Në turnetë e fundit ku ekipi mori pjesë, sportistët e klubit u kthyen me rezultate të shkëlqyera, duke fituar medalje të arta, të argjendta dhe të bronzta në kategori të ndryshme.
Këto suksese janë dëshmi e punës së palodhshme të klubit dhe mbështetjes së vazhdueshme që prindërit dhe komuniteti i japin sportistëve.
Trajnerët e klubit Seuda Destani dhe Ramiz Asllani theksojnë se qëllimi kryesor nuk është vetëm fitimi i medaljeve, por edhe edukimi i të rinjve nëpërmjet sportit, zhvillimi i karakterit, vetëbesimit dhe disiplinës. Klubi “Besa” mbetet një ndër qendrat më aktive sportive në Bujanoc, duke vazhduar të promovojë vlera të shëndosha dhe të frymëzojë gjenerata të reja. Klubi fton të gjithë fëmijët dhe të rinjtë e interesuar t’i bashkohen trajnimeve dhe të bëhen pjesë e suksesit të përbashkët.
